బాన్సువాడలో మళ్లీ వీధి కుక్కల దాడి.. చిన్నారికి తీవ్ర గాయాలు

5టీవీ న్యూస్ బాన్సువాడ: బాన్సువాడ పట్టణంలో వీధి కుక్కల బెడద రోజురోజుకూ పెరుగుతోంది. పట్టణంలోని సంగమేశ్వర్ కాలనీ రోడ్ నంబర్‌ 2లో ఆదివారం ఓ చిన్నారిపై వీధి కుక్కలు దాడి చేయడంతో తీవ్రంగా గాయపడింది. ఒక్కసారిగా కుక్కలు చిన్నారిపై దాడి చేయడంతో కుటుంబ సభ్యులు, స్థానికులు ఆందోళనకు గురయ్యారు.కుక్కల దాడిలో చిన్నారి మొహం పై గాయాలు కావడంతో వెంటనే బాన్సువాడ ప్రభుత్వ ఏరియా ఆసుపత్రికి తరలించారు. వైద్యులు చిన్నారికి చికిత్స అందిస్తున్నారు. ఘటనతో కాలనీ వాసుల్లో భయాందోళన నెలకొంది.గతంలోనూ వీధి కుక్కల దాడుల్లో పలువురు చిన్నారులు గాయపడిన నేపథ్యంలో చిన్నారుల భద్రతపై ప్రత్యేక దృష్టి సారించి, వీధి కుక్కల సమస్యకు శాశ్వత పరిష్కారం చూపాలని మున్సిపల్ అధికారులను స్థానికులు కోరుతున్నారు.